للأطفال من ذوي طيف التوحد وأسرهم
Tilo Kids تطبيق أندرويد بيخلّي الطفل يشوف بس الفيديوهات والصور اللي إنت اخترتها، ويعبّر عن احتياجاته بكروت بالصور والصوت، في وقت مشاهدة منظّم. من غير إعلانات، ومن غير إنترنت.
التجربة مجانية بالكامل حتى ٢٠ نوفمبر
Tilo Kids بدأ من بيتنا. كنت محتاج أداة بسيطة تنظّم وقت الشاشة لابني وتساعده يعبّر عن اللي عايزه، وملقتش حاجة هادية ومن غير إعلانات. كل ميزة في التطبيق جاية من موقف حقيقي حصل معانا، وبتكمل بآراء الأهالي والأخصائيين اللي بيجربوه.
لوحة كلام بكروت للأكل والشرب والحمام والمساعدة. الطفل يدوس على الكارت، والتابلت يقولها بصوت واضح بالمصري أو الفصحى أو الإنجليزي، أو بصوتك إنت.
جوه كل احتياج اختيارات بالصور: رز، مكرونة، فراخ، عصير… وتقدر تضيف كروت بصور من بيتك، وتختار الكروت اللي تظهر في كل وجبة.
فيديوهات وصور من على الجهاز بس. مالوش علاقة باليوتيوب، والطفل مايقدرش يروح لحاجة تانية لوحده.
تحدد الفيديو يتكرر كام مرة، ووقت الانتظار قبل ما يشتغل تاني، وتقدر تمنع التقديم والتأخير.
جلسات بوقت محدد، وفترة راحة بعدها، وميعاد نوم. والفيديو يخلص بهدوء من غير قطع مفاجئ.
الإعدادات وإضافة المحتوى ورا رقم سري، فالطفل مايقدرش يغيّر حاجة.
اختار أنت مين، واكتب إيميل جوجل اللي على تابلت الطفل ورقم الواتساب.
بعد التسجيل هيظهرلك رابط الجروب، وفيه هينزل رابط التثبيت وكل التحديثات.
هنضيف إيميلك خلال يوم أو اتنين، وتثبّت التطبيق من جوجل بلاي، وتقولنا رأيك بصراحة.
التجربة مجانية بالكامل حتى ٢٠ نوفمبر. بعدها التطبيق هيكون باشتراك بمبلغ رمزي عن طريق جوجل بلاي، علشان نقدر نكمّل تطويره من غير إعلانات، وتقدر تلغيه في أي وقت. وكل المشاركين في التجربة ليهم خصم ٥٠٪ على أول سنة.
لأ. الأب أو الأم أو الأخصائي بيضيف الفيديوهات والصور من على الجهاز نفسه، والطفل مايشوفش غيرها.
لأ وقت الاستخدام، لأن المحتوى متخزن على الجهاز. بس في فترة التجربة، الجهاز محتاج يتوصل بالإنترنت ولو مرة كل ٣ أيام.
أندرويد، تابلت أو موبايل. نسخة الآيفون والآيباد بنشتغل عليها، ولو سجّلت هنبلغك أول ما تجهز.
لأ. كل حاجة متخزنة على الجهاز بس، ومفيش إعلانات ولا تتبع. التفاصيل في سياسة الخصوصية.
لوحة الكلام بداية بسيطة للتواصل اليومي بالصور والصوت، ومش بديل كامل لبرامج الـ AAC المتخصصة. ورأيك فيها هيفرق معانا.
سجّل وهنضيفك للنسخة التجريبية المجانية.